Kutoboka kwa Njia ya Mmeng'enyo wa Chakula

Kutoboka kwa njia ya mmeng'enyo wa chakula ni tundu kwenye ogani yako yoyote ya njia ya mmeng'enyo wa chakula.

• Majeraha, magonjwa fulani, au kumeza vitu fulani kunaweza kusababisha shimo kwenye njia ya mmeng'enyo wa chakula

• Chakula, juisi za utumbo au uchafu hupenya kwenye shimo hilo na kuingia kwenye kifua au tumbo yako na kukufanya mgonjwa sana

• Utakuwa na maumivu makali ya ghafla kwenye kifua au tumbo yako

• Madaktari hufanya eksirei na wakati mwingine uchanganuzi wa CT (tomografia ya kompyuta)

• Kutoboka ni dharura ya kimatibabu na utahitaji kufanyiwa upasuaji mara moja

• Bila matibabu, unaweza kufariki

Visababishi vya kutoboka hutegemea mahali tundu lilipo kwenye njia ya mmeng'enyo wa chakula. Husababishwa na:

• Majeraha, kama vile kutokana na kuchomwa kwa kitu chenye nja kali, kupigwa risasi, au kujeruhiwa kwenye ajali ya barabarani

• Kumeza kitu kinachokwama (kitu kutoka nje)

• Kumeza kemikali, kama vile asidi, inayosababisha shimo kwenye umio au tumbo

• Kutapika kwa nguvu sana

• Magonjwa fulani, kama vile divertikulaitisi, ugonjwa wa vidonda vya pepsini, matumbo yaliyozibwa, ugonjwa wa Crohn, na kolaitisi ya vidonda

Dalili za kutoboka kwa njia ya mmeng'enyo wa chakula zinajumuisha:

• Maumivu makali ya ghafla kwenye tumbo au kifua chako

• Kutokwa jasho

• Tumbo inayohisi maumivu na ambayo ni ngumu inapoguswa

• Kuhisi mgonjwa tumboni

• Kutapika

Madaktari watafanya:

• Eksirei za kifua na tumbo yako

• Wakati mwingine, uchanganuzi wa CT (tomografia ya kompyuta)

Madaktari hutibu kutoboka kwa njia ya mmeng'enyo wa chakula kwa kutumia:

• Upasuaji wa dharura wa kufunga shimo na kuzuia majimaji na vitu vilivyo kwenye matumbo visipenye

• Majimaji na dawa za kuua bakteria unazopewa kupitia mshipa wako (IV)