Mfumo wako wa usagaji chakula hugawanya chakula kuwa virutubishi tofauti ambavyo hutumika mwilini.
Njia ya mmeng'enyo wa chakula (pia inaitwa njia ya utumbo na tumbo au GI) ni mrija mtupu ambao chakula hupitia unapokimeza, hukimeng'enywa, na kisha uchafu kutolewa kama kinyesi.
Je, rektamu na tundu la haja kubwa ni nini?
Rektamu na tundu lako la haja kubwa ni sehemu ya njia ya mmeng'enyo wa chakula.
Rektamu huunganisha utumbo wako mpana na tundu lako la haja kubwa.
Kwa kawaida rektamu huwa tupu, kwa sababu kinyesi huhifadhiwa katika utumbo mpana.
Pale utumbo unapojaa, kinyesi hupita kwenye rektamu, na huwa unahisi kama unahitaji kwenda chooni.
Watu wazima na watoto wenye afya wanaweza kuzuia kinyesi kisitoke hadi wanapofika chooni. Watoto wachanga na watoto wadogo, na baadhi ya watu wazima walio na magonjwa ya neva au misuli, hawana udhibiti wa misuli kusubiri.
Tundu la haja kubwa ni uwazi uliopo mwishoni mwa njia ya mmeng'enyo wa chakula ambapo kinyesi hutoka nje. Pete za misuli zinazoitwa sfinkita ya sehemu ya haja kubwa hufanya tundu lako la haja kubwa lifunge hadi unapoenda chooni.
Locating the Rectum and Anus
