Nyenzo za Mada
Mfumo wako wa usagaji chakula hugawanya chakula kuwa virutubishi tofauti ambavyo hutumika mwilini.
Njia ya mmeng'enyo wa chakula (pia inaitwa njia ya utumbo na tumbo au GI) ni mrija mtupu ambao chakula hupitia unapokimeza, hukimeng'enywa, na kisha uchafu kutolewa kama kinyesi.
Je, utumbo mpana ni nini?
Utumbo mpana, ambao pia huitwa utumbo mkubwa au koloni, ni sehemu ya njia ya mmeng'enyo wa chakula. Huunganisha utumbo wako mdogo na rektamu yako. Kidole tumbo chako ni kibomba mfano wa kidole kilichounganishwa na sehemu ya utumbo mpana. Kidole tumbo kinaweza kupata maambukizi na kusababisha ugonjwa wa kidole tumbo/kibole.
Chakula kilichosagwa huwa katika hali ya kimiminiko kinapofika kwenye utumbo mpana. Kazi ya msingi ya utumbo mpana ni kunyonya kiasi kikubwa cha maji hayo na kuunda kinyesi kigumu.
Kiasi kikubwa cha bakteria huishi kwenye utumbo mpana. Bakteria hizi ni muhimu na husaidia. Hutengeneza vitu muhimu, kama vile Vitamini K. Walakini, bakteria wengine ambao wanaweza kuingia ndani ya utumbo wako mkubwa wanaweza kukufanya uwe mgonjwa tumboni. Bakteria katika utumbo wako mkubwa pia wanaweza kutengeneza gesi.
Kutambua Utumbo Mpana
