Payojeniki Granuloma

Payojeniki granuloma ni uvimbe ulioinuliwa wa mviringo kwenye ngozi.

• Una rangi ya wekundu wa damu au wekundu-kahawia

• Payojeniki granuloma zinaweza kuwa mbichi, nyevunyevu au zenye ngozi ngumu

• Hazina madhara lakini mara nyingi huvuja damu unapozifinya au kuzikuna

• Zinaweza kuisha zenyewe au daktari anaweza kuhitaji kuziondoa

Payojeniki Granuloma

Picha

Picha kwa hisani ya Thomas Habif, MD.

Payojeniki granuloma huunda wakati mishipa midogo ya damu inayoitwa kapilari inakua kwa ukubwa zaidi kuliko kawaida na tishu iliyo kando yake inavimba.

Payojeniki granuloma zinauwezekano mkubwa wa kutokea:

• Baada ya jeraha kwenye ngozi yako

• Ukiwa mjamzito

Wakati wa ujauzito, wakati mwingine zinajiunda kwenye ufizi wako. Hili likifanyika zinapewa jina la utani "uvimbe wa ujauzito."

Payojeniki granuloma:

• Hukua haraka zaidi

• Zimeinuka juu ya ngozi

• Haziumi

• Huvuja damu kwa urahisi zikigongwa au kukunwa

• Wakati mwingine payojeniki granuloma huisha bila matibabu

• Zisipoisha, daktari wako anaweza kuzitoa kwa kufanya upasuaji au kwa kutumia sindano ya umeme

Zinaweza kukua tena baada ya kutolewa.