Hemangioma

Hemangioma ni ukuaji wekundu kwenye ngozi yako. Ni bonge la mishipa ya damu midogo sana.

• Hemangioma ni za kawaida kwa watoto na mara nyingi zinaitwa alama za kuzaliwa za matunda ya storoberi

• Hemangioma zinaweza kukua mahala popote, lakini mara nyingi kwenye kichwa au shingo ya mtoto

• Zinakua hadi mtoto wako anakuwa wa takriban mwaka mmoja

• Kisha, zinaanza kupungua kwa ukubwa na kwa kawaida zinaisha kwa wakati ambao mtoto wako ako na 10

• Wakati hemangioma inaisha, ngozi ya mahali ambapo zilikuwa mara nyingi huwa pa rangi tofauti au kuacha alama

Watu wazima wanaweza kupata Hemangioma (hizi mara nyingi zinaitwa uvimbe la cherry). Ni za kawaida na hazina madhara.

Hemangioma ya Stroberi

Picha

© Springer Science+Business Media

Hakuna anayejua ni nini husababisha bonge la mishipa ya damu kuunda hemangioma.

• Kuna sehemu yenye uvimbe ya buluu au wekundu angavu

• Hazina mwasho au si chungu

• Jeraha ndogo linaweza kufanya hemangioma kuvuja damu na kuunda kidonda

• Kidonda kinaweza kuuma na kuchukua muda kupona

• Hemangioma inayokua karibu na jicho inaweza kuzuia uwezo wa kuona

Hata kama hemangioma hazisababishi matatizo yoyote ya kimatibabu, huenda usipende zinavyokaa.

Hemangioma nyingi hupungua kwa ukubwa na huisha zenyewe. Hemangioma kwa kawaida huanza kupungua kwa ukubwa wakati mtoto ana umri wa miaka 12 hadi 18. Kwa takriban watoto 7 kati ya 10, hemangioma huisha wakifika umri wa miaka 7.

Kwa sababu kwa kawaida hemangioma huisha zenyewe, madaktari hawazitibu isipokuwa zikisababisha matatizo. Ikiwa hemangioma inaifanya ngumu kuona au kupumua au inasababisha matatizo mengine, madaktari:

• Watatoa dawa (kama vile propranolol au kotikosteroidi) ili kusaidia kupunguza ukubwa wa hemangioma

• Wakati mwingine, watafanya matibabu ya leza kwenye hemangioma

Kidonda kisipopona haraka zaidi, daktari wanakitibu kwa kutumia vazi na krimu maalum.

Kwa kawaida madaktari huwa hawafanyi upasuaji ili kuondoa hemangioma kwa sababu hio inaweza kuacha alama. Alama inaweza kusumbua sana kama hemangioma.

Uvimbe la cherry, unaopatikana kwa watu wazima, hauhitaji matibabu. Zikikusumbua, daktari anaweza kuziondoa kwa sindano ya umeme au skapo (kisu kidogo cha kupasulia).