Figo zako ni viungo 2 vyenye umbo la maharagwe ambavyo hutengeneza mkojo (haja ndogo), husawazisha viwango vya maji na madini mwilini, na huchuja uchafu kwenye damu yako.
Njia ya Mkojo
Je, kuoza kwa tishu za magamba ya figo ni nini?
Kuoza kwa tishu za magamba ya figo ni kufa kwa tishu kwenye tabaka la juu (ganda) la figo moja au yote.
Kuoza kwa tishu za magamba ya figo kunasababishwa na kuziba kwa mishipa ya damu ambayo huleta damu kwenye figo.
Kuoza kwa tishu za magamba hutokea pale kitu kinapoingilia mtiririko wa damu kwenye figo zako
Mara nyingi husababishwa na matatizo makubwa ya kiafya ambayo husababisha kupungua kwa shinikizo la damu
Kuoza kwa tishu za magamba hufanya figo zako ziache kufanya kazi yake (figo kushindwa kufanya kazi)
Unakojoa mara chache, una mkojo mweusi, homa, na maumivu kwenye sehemu ya chini ya mgongo
Madaktari wanapaswa kutibu tatizo linalosababisha kuoza kwa tishu za magamba ya figo na wanaweza kutumia majimaji na dawa za kuua bakteria
Je, nini husababisha kuoza kwa tishu za magamba ya figo?
Sababu hutegemea umri.
Kwa watoto waliozaliwa karibuni, sababu ni pamoja na:
Maambukizi ya bakteria kwenye mtiririko wa damu (sepsisi)
kwa watoto, husababishwa na:
Maambukizi makali
Kwa watu wazima, sababu ni pamoja na:
Matatizo ya ujauzito, kama vile, uterasi kuvuja damu, maambukizi baada ya kujifungua, na preeklampsia
Maambukizi makali (sepsisi)
Kupoteza kiasi kikubwa cha damu kutokana na jeraha au upasuaji
Dawa au kemikali fulani
Je, dalili za kuoza kwa tishu za magamba ya figo ni zipi?
Kwa kawaida unakuwa huna dalili isipokuwa kama ukipata hali ya kushindwa kwa figo kufanya kazi. Dalili za figo kushindwa kufanya kazi ni pamoja na:
Kuhisi udhaifu na uchovu
Kuhisi mgonjwa tumboni
Kutohisi njaa kama kawaida
Kuwasha
Kuhisi usingizi au kuchanganyikiwa
Je, madaktari wanawezaje kujua kama nina ugonjwa wa kuoza kwa tishu za magamba ya figo?
Madaktari hushuku uwepo wa ugonjwa wa kuoza kwa tishu za magamba ya figo ikiwa una mojawapo ya magonjwa yanayoweza kuusababisha na vipimo vya kila mara vinaonyesha figo zako hazifanyi kazi vizuri. Ili kuwa na uhakika, wanaweza kufanya:
Angiografia ya upimaji kwa kompyuta (CTA)—aina ya uchanganuzi wa CT unaozingatia mishipa ya damu
Je, madaktari hutibu vipi kuoza kwa tishu za magamba ya figo?
Madaktari hutibu chanzo kilichosababisha kuoza kwa tishu za magamba.
Ikiwa una tatizo la figo kushindwa kufanya kazi, unaweza kuhitaji:
Kusafisha damu (mashine huchuja damu yako figo zinapolemewa)
