Kipindi cha Baada ya Kujifungua ni muda baada ya kupata mtoto. Kawaida inachukuliwa kuwa wiki 6 za kwanza baada ya kujifungua.
Maambukizi ya kibofu cha mkojo na figo ya baada ya kujifungua ni nini?
Figo zako ni viungo 2 vya umbo la maharagwe vinavyotengeneza mkojo. Kibofu cha mkojo wako ni kiungo ambacho kinashikilia mkojo hadi unapokojoa. Unaweza kupata maambukizi ya kibofu (usikizano wa kibofu cha mkojo) au maambukizi ya figo iwapo bakteria wataingia kwenye viungo hivi baada ya kujifungua.
The Urinary Tract
Dalili za maambukizi ya kibofu cha mkojo au figo ni pamoja na maumivu wakati wa kukojoa au kuhitaji kukojoa mara kwa mara
Madaktari hutibu maambukizi kwa kutumia dawa za kuua bakteria
Kuna uwezekano mkubwa wa kupata maambukizi ya kibofu cha mkojo baada ya kujifungua ikiwa ulikuwa na katheta (mrija mwembamba, unaonyumbulika) iliyowekwa kwenye kibofu chako ili kutoa mkojo kabla au baada ya kujifungua.
Dalili za maambukizi ya kibofu cha mkojo na figo baada ya kujifungua ni gani?
Dalili zinajumuisha:
Maumivu wakati unakojoa
Haja ya kukojoa mara kwa mara
Homa
Maumivu katika mgongo wako wa chini au upande
Kujisikia mgonjwa kote mwilini
Madaktari wanawezaje kujua kama nina maambukizi ya kibofu au figo baada ya kujifungua?
Madaktari hufanya vipimo vya mkojo ili kuangalia maambukizi ya kibofu cha mkojo na figo.
Madaktari hutibu vipi maambukizi ya kibofu cha mkojo na figo baada ya kujifungua?
Madaktari hutibu maambukizi ya kibofu cha mkojo na figo baada ya kujifungua kwa dawa za kuua bakteria? Daktari wako pia anaweza kukunywesha maji mengi ili kusaidia figo zako kufanya kazi vizuri na kuondoa bakteria kutoka kwa mwili wako.
Madaktari watafanya uchunguzi mwingine wa mkojo wiki 6 hadi 8 baada ya mtoto wako kuzaliwa ili kuhakikisha kuwa maambukizi yamepona.
