Haiba yako ni njia yako ya kipekee ya kufikiria, kuelewa, kuitikia, na kuhusiana na watu.
Matatizo ya utu sio tu kuwa na sifa zisizo za kawaida. Ni pale sifa zako zinasababisha matatizo makubwa kwako au ni kizingiti katika kuingiliana na watu wengine.
Ugonjwa wa haiba ya kupinga jamii ni nini?
Ugonjwa wa haiba ya kupinga jamii ni:
Mkondo wa kutojali jinsi maneno na matendo yako yanaathiri watu wengine
Inatokea kwa kawaida zaidi kwa wanaume kuliko wanawake. Watu wanaonekana kuwa vizuri vile wanazeeka.
Watoto walio na tatizo hili wanaweza:
Kunyanyasa wengine, kuharibu mali au kuvunja sheria
Kudanganya na kutumia wengine vibaya ili kupata kile wanataka
Kutojali (kutojali kuhusu watu wengine)
Kupuuza haki na hisia za wengine
Kutoa vijisababu kwa sababu ya tabia yao mbaya au kulaumu wengine kwa ajili yake
Kufanya mambo kwa hasira au kwa kutojali (kwa mfano, kwa kuacha kazi kwa ghafla au kuacha kulipa bili)
Kutohisi vibaya kwa yale wametenda
Kuwa na tatizo la matumizi ya pombe au dawa za kulevya
Wanaweza kuonekana wenye haiba na kushawishi wakati wanajaribu kupata wanachotaka.
Ni nini husababisha ugonjwa wa haiba ya kupinga jamii?
Ugonjwa wa haiba ya kupinga jamii una uwezekano wa kusababishwa na haya mambo mawili:
Jeni zako (chembe za urithi kutoka kwa wazazi wako)
Hali na malezi yako, kama vile jinsi wazazi wako walivyokutendea
Watoto walio na tatizo la mwenendo wana uwezekano mkubwa zaidi kuliko watoto wengine wa kupata ugonjwa wa haiba ya kupinga jamii wanapokua. Kudhulumiwa na kutelekezwa kunaweza kuongeza uwezekano wa mtoto kupata ugonjwa wa haiba ya kupinga jamii kama mtu mzima.
Madaktari hutibu vipi ugonjwa wa haiba ya kupinga jamii?
Madaktari hutumia:
Tiba ya tabia-tambuzi
Dawa
Watoto walio na tatizo la mwenendo wanapaswa kutibiwa ili wasikue wakapata ugonjwa wa haiba ya kupinga jamii.
