Vitu Kutoka Ukeni

NaThe Manual's Editorial Staff

Imepitiwa/Imerekebishwa Apr 2023

Vitu kutoka ukeni ni nini?|
Je, hali ya vitu kutoka ukeni ni hali ya kawaida?|
Ni wakati gani ambapo kitu kutoka ukeni huchukuliwa kuwa si cha kawaida?|
Ni nini husababisha vitu vinavyotoka ukeni visivyo vya kawaida?|
Je, napaswa kumwona daktari lini?|
Je, nitarajie nini nikienda kwa daktari?|
Madaktari hutibu hali ya vitu kutoka ukeni isiyo ya kawaida vipi?|

Vitu kutoka ukeni ni nini?

Vitu kutoka ukeni ni kiowevu kinachotoka kwenye uke wako (njia ya uzazi).

Je, hali ya vitu kutoka ukeni ni hali ya kawaida?

Wanawake wote hutokwa na vitu ukeni wakati mwingine. Kitu cha kawaida kinachotoka ukeni kina rangi nyeupe ya mazima au nyepesi na safi, bila harufu yoyote.

Ni wakati gani ambapo kitu kutoka ukeni huchukuliwa kuwa si cha kawaida?

Kitu kinachotoka ukeni si cha kawaida ikiwa ni:

Kizito au kizito kuliko kawaida
Cheupe na kina bonge (kama jibini ya pamba)
Chenye rangi ya kijivu, kijani, manjano au kinachokaa damu kiasi
Chenye kutoa harufu, kama samaki

Ukiwa na kitu kinachotoka ukeni kisicho cha kawaida, unaweza pia kuwa na mwasho, kuchomwa, upele au maumivu kwenye kuma yako (sehemu iliyo nje ya uwazi wa uke).

Ni nini husababisha vitu vinavyotoka ukeni visivyo vya kawaida?

Visababishaji vingi vya vitu kutoka ukeni si hatari.

Kisababishaji cha kawaida zaidi cha vitu kutoka ukeni visivyo vya kawaida ni:

Maambukizi kwenye uke wako—maambukizi ya chachu au maambukizi ya zinaa, kama vile kisonono, trikomoniasisi, na klamidia

Visababishaji vingine vya vitu kutoka ukeni visivyo vya kawaida vinajumuisha:

Malai, poda, sabuni au vipengee vingine vinavyogusa na kuwasha kuma yako
Ikiwa umepita ukomo wa hedhi, kuwa na uke mkavu na mwembamba

Visababishaji vya vitu kutoka ukeni kwa watoto vinajumuisha:

Maambukizi kwa sababu ya kujipangusa vibaya au kutoosha mikono baada ya kupitisha kinyesi (kwenda haja kubwa)
Kemikali kwenye vitu vya kuogea au sabuni
Kitu kukwama kwenye uke, kama sehemu ya karatasi ya choo au mwanasesere
Kudhulimiwa kimwili

Je, napaswa kumwona daktari lini?

Nenda kwa daktari ndani ya siku ikiwa unatoka vitu ukeni na yoyote ya ishara hizi za onyo:

Maumivu ya fupanyonga
Kitu kutoka kinachofanana na usaha
Homa
Kinyesi (mavi) kwenye vitu vinavyotoka ukeni wako
Kutoka vitu vinavyokaa damu baada ya ukomo wa hedhi

Mtoto aliye na homa au kitu kinachotoka chenye rangi ya manjano au kijani ambacho kinatoa harufu inayonukia kama samaki anaweza kuwa na STI (maambukizi ya zinaa), kwa uwezekano kutokana na kudhulimiwa kimwili. Mpeleke mtoto huyu kwa daktari siku hio.

Nenda kwa daktari ndani ya siku chache ikiwa unatoka vitu ukeni visivyo vya kawaida lakini hakuna ishara za onyo.

Maambukizi ya chachu

Ikiwa umekuwa na maambukizi ya chachu hapo awali, hauhitaji kuona daktari kila wakati una dalili za kawaida, isipokuwa kama una dalili zingine pia. Dalili za kawaida ni kutoka kwa vitu vyenye mabonge, vyeupe, vizito na mwasho na kuchomwa kwenye kuma yako. Maambukizi ya chachu yanapaswa kutibiwa kwa dawa za kuvu.

Je, nitarajie nini nikienda kwa daktari?

Madaktari watauliza maswali kuhusu hali yako ya vitu kutoka ukeni na dalili zingine zozote.

Kawaida daktari hufanya uchunguzi wa fupanyonga. Wakati wa uchunguzi wa fupanyonga, daktari wako huchunguza sehemu ya ndani ya uke wako kwa kuufungua akitumia kifaa kidogo kinachoitwa spekulumu. Madaktari wanaweza kutumia swab ya pamba ili kuchukua sampuli ya kitu kinachotoka ili kufanyiwa kipimo.

Madaktari hutibu hali ya vitu kutoka ukeni isiyo ya kawaida vipi?

Madaktari wanatibu kisababishaji cha vitu kutoka kwako, ikiwa wanaweza. Kwa mfano, ikiwa una maambukizi yanayosababishwa na bakteria, madaktari watakupatia dawa za kuua bakteria za kumeza.

Ikiwa unahisi uchungu na mwasho, madaktari wanaweza pia kukupendekezea:

Dumisha usafi wa uke wako kadri iwezekanavyo
Wekelea barafu kwenye uke wako
Lowesha kwenye maji vuguvugu
Usitumie krimu, poda, sabuni wala vitu vingine vinavyosababisha mwasho kwenye uke wako
Dawa za kupaka (kama vile krimu ya kotikosteroidi)