Kasinoma ya Seli za Msingi

Kasinoma ya seli za msingi ni aina iliyoenea sana ya saratani ya ngozi.

• Watu wenye ngozi nyeupe wana uwezekano mkubwa wa kuipata kuliko wenye ngozi nyeusi

• Kwa kawaida inakua kwenye ngozi ambayo imekaa juani

• Madaktari kwa kawaida wanaondoa aina hii ya saratani ya ngozi kwa njia ya upasuaji, lakini wakati mwingine wanaitibu kwa kutumia tibakemikali au mionzi

• Tofauti na saratani zingine, kasinoma ya seli za msingi ni vigumu sana kuenea kwenye maeneo mengine ya mwili au kukuua

Kasinoma ya seli za msingi mara nyingi husababishwa na kukaa juani.

Nodular Basal Cell Carcinoma

Picha

Image provided by Thomas Habif, MD.

Kasinoma ya seli za msingi kwa kawaida ni uvimbe kwenye ngozi yako (kwa kawaida kwenye kichwa chako au shingo) ambao ni:

• Mdogo, unaong'aa, mgumu na ulioinuka

• Karibu rangi dhahiri hadi kuwa nyeupe

• Imejaa mishipa ya damu midogo inayoonekana

• Wakati mwingine, ikiwa na mstari mnene wenye rangi nyeupe

Unaweza pia kuonekana kama:

• Uvimbe ulioinuka ambao unaweza kuvunjika na kutengeneza vigaga katikati

• Mabaka mekungu au yaliyosawijika yanayoonekana kama makovu

• Vidonda vinavyovuja damu, vinatengeneza kigaga na kupona

Uvimbe kwa kawaida hukua polepole lakini unaweza kukua hadi nusu inchi (zaidi ya sentimita 1) kwa mwaka.

Ili kujua ikiwa una aina hii ya saratani ya ngozi, madaktari:

• Watachukua kipande cha tishu kwa ajli ya uchunguzi (kuondoa sampuli ndogo ya ngozi na kuichunguza kwenye hadubini)

Ili kutibu kasinoma ya seli za msingi, madaktari wataondoa saratani kwa kutumia njia moja wapo kati ya hizi:

• Sugua na uchome kwa sindano ya umeme

• Ikate kupitia upasuaji

• Angamiza saratani kwa baridi kali (matibabu ya kutumia baridi) au mnururisho

• Kuweka dawa za tibakemikali kwenye saratani

Ikiwa saratani imeenea kwenye maeneo mengine ya mwili wako, daktari wako anaweza kukupa tibakemikali kwa njia ya kinywa.

Njia nzuri ya kuzuia kasinoma ya seli za msingi ni kupunguza kukaa kwenye jua:

• Jiepushe na jua—kaa kivulini, jaribu kuepuka jua kati ya saa 4:00 asubuhi na saa 10:00 jioni

• Usiote jua wala kuingia kwenye mashine ya kufanya ngozi nyeusi

• Vaa mavazi ya kujikinga, kama vile mashati ya mikono mirefu, suruali na kofia pana

• Tumia mafuta ya kujikinga na jua ambayo yana angalau vipengele 30 vya ulinzi dhidi ya jua (SPF)—ni muhimu kutumia mafuta zaidi ya kuzuia jua kila baada ya saa 2 na baada ya kuogelea au kutokwa jasho

Mwone daktari ukiona mabadiliko ya upele kwenye ngozi baada ya wiki chache.