Hepatitisi Sugu

Hepatitisi sugu ni uvimbe (kuvimba) wa ini ambao unadumu kwa miezi 6 au zaidi. Hepatitisi sugu kwa kawaida inatokana na hepatitisi kali lakini huenda usijue ulipata hepatitisi kali.

• Kwa kawaida, hepatitisi sugu inasababishwa na virusi vya hepatitisi B au C au dawa fulani

• Watu wengi hawaoneshi dalili lakini baadhi ya watu wanaweza kujihisi kuumwa kidogo, kuchoka au hawahisi njaa

• Wakati mwingine, hepatitisi sugu inaweza kusababisha matatizo kadiri muda unavyokwenda, kama vile kirosisi

• Hepatitisi sugu inaweza kudumu kwa miaka kadhaa

• Madaktari wanaweza kutibu hepatitisi sugu kwa kutumia dawa

Hepatitisi sugu kwa kawaida inasababishwa na maoja wapo kati ya virusi vya hepatitisi, hasa hepatitisi B na C.

Hepatitisi sugu inaweza pia kusababishwa na:

• Aina fulani za dawa, hasa ikiwa utazitumia kwa muda mrefu

• Magonjwa fulani, kama vile hepatitisi ya ulevi, ugonjwa wa ini lenye mafuta, na mengineyo

• Mmenyuko wa mfumo wa kingamwili kwenda kinyume na mwili (mwili unaposhambulia ini)

Madaktari hawajui hasi kile kinachosababisha hepatitisi sugu kwa baadhi ya watu.

Karibu watu 2 kati ya 3 wenye hepatitisi sugu wanakuwa nayo taratibu na wanakuwa hawaonyeshi dalili hadi wanapokuwa na kirosisi (ini kuwa na makovu).

Unaweza kuwa na dalili kama vile:

• Kujisikia kuumwa kidogo, na kutokuhisi njaa sana

• Wakati mwingine, homa na maumivu kiasi kwenye eneo la juu la tumbo lako

• Uvimbe kutokana na majimaji kujitengeneza kwenye eneo la tumbo lako (ugonjwa wa tumbo kujaa maji)

• Mishipa misogo ya damu kama buibui kwenye ngozi yako (angioma ya buibui)

• Viganja vyekundu

• Kutofikiria vyema

• Kutokwa damu kwa urahisi

• Homa ya nyongo ya manjano

• Mwasho

• Kinyeshi (haja kubwa) chenye harufu mbaya, chenye mafuta na chenye rangi nyeupe

• Dalili za mfumo wa kingamwili kwenda kinyume na mwili kama vile maumivu ya viungo na kwa wanawake kukosa hedhi

Ikiwa una hepatitisi B sugu au hepatitisi C pamoja na kirosisi, unaweza kuwa na saratani ya ini.

Madaktari watafanya:

• Fanya vipimo vya damu

• Watachukua sampuli ndogo ya ini lako ili kuichunguza kwenye hadubini (uondoaji wa kipande cha tishu kwa uchunguzi)

Daktari wako atatibu hepatitisi sugu kwa njia tofauti kulingana na kisababishi:

• Ikiwa dawa fulani ndiyo chanzo, daktari wako atakuambia uache kutumia dawa hiyo.

• Ikiwa hepatitisi B, C au E ndio chanzo, daktari wako atakupa dawa ya kutibu virusi hivyo

• Ikiwa unapata athari ya mfumo wa kingamwili kwenda kinyume na mwili, daktari wako atakupa kotikosteroidi kupunguza mwako kwenye ini

• Ikiwa ini limeshindwa kufanya kazi, huenda ukahitaji kuwekewa ini jingine

Madaktari pia watatibu matatizo yoyote ambayo yamesababishwa na hepatitisi sugu.