Saratani ya Zoloto

Saratani ya zoloto ni saratani ambayo iko kwenye zoloto yako.

• Dalili ni pamoja na kukoroma kwa sauti yako ambayo haitoki, uvimbe kwenye shingo yako, na baadaye matatizo ya kupumua na kumeza.

• Ni mojawapo ya saratani za kichwa na shingo zinazotokea mara kwa mara zaidi

• Saratani ya zoloto ni ya kawaida zaidi kwa wanaume kuliko kwa wanawake, haswa wanaume zaidi ya miaka 60

• Uvutaji sigara na unywaji pombe zaidi huongeza hatari ya kupata saratani ya zoloto

Muone daktari ikiwa umekuwa na kukwaruza kwa sauti ambako kmedumu kwa zaidi ya wiki 2 hadi 3.

Kuipata Zoloto

Madaktari hawajui kila mara kinachosababisha saratani ya zoloto, lakini sababu kubwa ni:

• Kuvuta Sigara

Karibu kila mtu anayepata saratani ya zoloto ni, au alikuwa, mvutaji sigara.

Uwezekano wa kupata saratani ya zoloto pia ni mkubwa ikiwa wewe:

• Ni mwanaume, haswa ikiwa una zaidi ya miaka 60

• Ulikunywa pombe kupita kiasi kwa muda mrefu

Dalili za saratani ya zoloto ni:

• Sauti iliyopwelea (au mabadiliko katika sauti yako) ambayo haitoweki baada ya wiki chache

• Maumivu ya koo au sikio

• Uvimbe shingoni

• Shida ya kupumua na kumeza

Madaktari wanaweza kufahamu ikiwa una saratani ya zoloto kwa kuchunguza zoloto yako. Wataweka mrija mwembamba wenye uwezo wa kutazama kinywani mwako.

Madaktari wanaweza pia kuchukua kipande cha tishu kwa ajli ya uchunguzi (kuondoa sampuli ya tishu yako kwa ajili ya kuipima). Uondoaji wa kipande cha tishu kwa uchunguzi kawaida hufanywa kwenye chumba cha upasuaji wakati umelela kutokana na nusukaputi ya jumla.

Ikiwa una saratani ya zoloto, madaktari wataona ikiwa saratani yako imeenea katika sehemu nyingine za mwili wako kwa kufanya vipimo kama vile:

• Eksirei ya kifua

• Uchanganuzi wa CT (tomografia ya kompyuta)

• Uchunguzi wa PET (temografia ya utoaji wa positroni)

Matibabu yanategemea kiasi cha ukuaji na ueneaji wa saratani.

Madaktari hutibu saratani ya mapema kwa kutumia mojawapo ya yafuatayo:

• Upasuaji wa laser (kwa kutumia mwanga wa juu ili kukata saratani)

• Tiba ya mionzi, hasa ikiwa saratani iko kwenye nyuzi zako za sauti

Matibabu haya kwa kawaida hayaathiri sauti yako.

Madaktari hutibu saratani iliyoendelea zaidi kwa mchanganyiko wa matibabu, kama vile:

• Upasuaji pamoja na tiba ya mionzi, ikiwa madaktari wanafikiri upasuaji unaweza kuondoa saratani yote

• Mionzi pamoja na tibakemikali, ikiwa madaktari wanafikiri kuwa saratani ni kubwa sana kuweza kuondolewa kwa upasuaji—hii kwa kawaida haiponyi saratani lakini inaweza kupunguza saratani na kupunguza maumivu.