Maambukizi ya sikio la kati ni nini?
Sikio la kati ni sehemu iliyo nyuma ya kiwambo cha sikio. Viini vinaweza kuingia kwenye sikio la kati na kusababisha maambukizi. Maambukizi ya sikio la kati pia hujulikana kama kuvimba sehemu ya kati ya sikio. Maambukizi makali ya sikio la kati ni yale yanayoanza kwa haraka na husababisha dalili nyingi mno mara moja.
Watoto walio na maambukizi ya sikio wana uchungu kwa sikio
Wanaweza kupata homa na tatizo kupata usingizi
Madaktari wataangalia ndani ya sikio la mtoto wako kwa kutumia mwangaza
Maambukizi ya sikio mengi huisha yenyewe bila kutumia dawa za kuua bakteria
Kuna uwezekano mkubwa mtoto wako kuhitaji dawa ya kutuliza uchungu au homa
Ni nini husababisha maambukizi ya sikio?
Vijidudu (virusi) sawa ambavyo vinasababisha mafua husababisha maambukizi ya sikio. Wakati mwingine aina zingine za vijidudu vinavyoitwa bakteria vinasababisha maambukizi ya sikio.
Dalili za maambukizi ya sikio ni zipi?
Maambukizi hufanya kiowevu kujiunda kwenye sikio la kati. Majimaji haya hufanya kiwambo cha sikio kuvimba na kuuma. Kiwambo cha sikio kikivimba sana, kinaweza kupasuka (kupasuka). Dalili zinajumuisha:
Uchungu kwenye sikio—watoto wachanga zaidi ambao hawawezi kuongea huvuta sikio lao au kulia
Homa
Hisia mbaya na tatizo katika kupata usingizi
Tatizo la kusikia
Wakati mwingine damu au kiowevu hutoka kwenye sikio la mtoto kiwambo cha sikio kikipasuka
Kwa nadra, maambukizi ya sikio yanaweza kusababisha matatizo makali bakteria ikienea kwenye sehemu zilizokaribu, kama vile:
Mfupa ulio kando ya sikio (husababisha uchungu nyuma ya sikio)
Sikio la ndani (husababisha kizunguzungu na tatizo katika kusikia)
Ubongo (husababisha kuumwa na kichwa, kuchanganyikiwa na homa ya uti wa mgongo)
Je, madaktari wanawezaje kujua ikiwa mtoto wangu ana maambukizi ya sikio?
Madaktari wataangalia ndani ya sikio la mtoto wako kwa kutumia mwangaza maalum. Wanakagua ili kuangalia kama:
Kiwambo cha sikio cha mtoto wako kinavimba au ni chekundu
Kuna kiowevu nyuma ya kiwambo cha sikio
Wanaweza kuhitaji kusafisha nta kwanza kutoka kwenye sikio la mtoto wako ili waweze kuona vizuri zaidi.
Wanaweza kupulizia hewa kwenye sikio la mtoto wako ili kuona kama kiwambo cha sikio kitasogea. Kisiposogea kwa kiasi kile ambavyo kingepaswa, mtoto wako anaweza kuwa na maambukizi ya sikio.
Maambukizi ya sikio kutibiwaje?
Dawa ya dalili za mtoto wako
Tibu homa na uchungu kwenye sikio kwa dawa kama vile acetaminophen au ibuprofen
Baadhi ya matone kwenye sikio hupunguza uchungu lakini kwa takriban dakika 30 pekee, madaktari wengi sana hawayatumii. Decongestant au antihistamini, zinazopatikana kwenye dawa za homa, hazitasaidia mtoto wako.
Dawa za kuua bakteria
Madaktari walikuwa na mazoea ya kupatia watoto wote walio na maambukizi ya sikio dawa za kuua bakteria. Sasa madaktari wanajua kuwa maambukizi ya sikio mengi huisha yenyewe. Hata hivyo, madaktari hupatiana dawa za kuua bakteria ikiwa mtoto wako:
Ni mchanga sana
Ni mgonjwa sana
Hahisi vizuri kwa haraka au anaharibikiwa zaidi
Kutoboka kwa kiwambo cha sikio
Uchungu kutokana na kiwambo cha sikio kuvimba unaweza hitaji kutibiwa kupasuka kwa kiwambo cha sikio. Katika matibabu haya, madaktari hutoboa tundu dogo kwenye kiwambo cha sikio ili majimaji yenye maambukizi yaweze kutoka. Shimo hilo litapona lenyewe.
Ninawezaje kuzuia maambukizi ya sikio kwa mtoto wangu?
Mpeleke mtoto wako apewe chanjo ya kawaida (ya maambukizi, kama vile nimonia na mafua, ambayo yanaweza kusababisha maambukizi ya sikio)
Usimwache mtoto wako akiwa na chupa (kukunywa huku akiwa amelala kunaweza kutega kiowevu kwenye sikio)
Weka mtoto wako mbali na vitoa moshi
