Occult Bacteremia

Kujificha kwa bakteria katika damu ni wakati bakteria wako kwenye damu lakini bado hawajasababisha ugonjwa au dalili isipokuwa homa.

Kujificha kwa bakteria katika damu hutokea kwa watoto wachanga na watoto chini ya umri wa miaka 3. Baada ya umri huo, bakteria waliojificha katika damu huanza husababisha dalili.

• Kujificha kwa bakteria katika damu, humfanya mtoto kuwa na homa lakini vinginevyo anaonekana mzima

• Madaktari hufanya vipimo vya damu ili kupata bakteria waliojficha katika damu

• Chanjo (dawa za kudungwa ambazo watoto wenye afya njema wanahitaji ili kuwalinda dhidi ya maambukizi mengi) pia husaidia kuzuia bakteria wanaojificha katika damu

• Madaktari hutibu bakteria wanaojificha katika damu kwa kutumia dawa za kuua bakteria

• Bila matibabu, bakteria wanaojificha katika damu wanaweza kusababsha ugonjwa mbaya

Aina fulani za bakteria husababisha bakteria kujificha katika damu. Watoto wanaopata chanjo zao zote kwa ujumla hawawezi kupatwa na bakteria wanaojificha katika damu.

Kuna uwezekano mkubwa wa watoto kupata bakteria wanaojificha katika damu ikiwa:

• Hawajapata chanjo zao zote

• Una mfumo wa kingamwili ambao ni dhaifu

Dalili pekee ni:

• Homa zaidi ya 102° F (38.9° C)

Mtoto mchanga au mtoto ambaye ana dalili nyingine (kama vile kikohozi, maumivu ya koo, au kuwa na kamasi kutoka puani) ana maambukizi halisi, si bakteria waliojificha katika damu.

Ili kupata ikiwa mtoto ana bakteria waliojificha katika damu, madaktari hufanya yafuatayo:

• Vipimo vya damu

Madaktari wanaweza kufanya vipimo vingine kutafuta maambukizi ya bakteria au virusi, kama vile:

• Vipimo vya mkojo

• Kukinga majimaji ya uti wa mgongo (kupenyeza sindano kwenye uti wa mgongo) ambapo daktari hutumia sindano kupata sampuli ya maji ya uti wa mgongo kutoka kwenye uti wa mgongo

• Eksirei ya kifua

• Kuchunguza ikiwa kuna maambukizi ya virusi puani kwa kutumia kitanzi cha nyenzo ya kunyonya

Umri wa mtoto ni muhimu. Watoto walio chini ya umri wa miezi 3 wanaweza kuhitaji vipimo zaidi na hata kulazwa hospitalini wakati wa vipimo. Madaktari hawawezi kubaini wazi kwa kuangalia tu watoto wachanga sana ikiwa wana bakteria waliojificha katika damu au maambukizi hatari ya bakteria.

Madaktari hutibu bakteria waliojificha katika damu kwa kutumia dawa za kuua bakteria. Mtoto wako pia anaweza kupewa dawa, kama vile asetaminofeni, ili kupunguza homa. Watoto walio chini ya miezi 3 ambao wameruhusiwa kwenda nyumbani wakiwa na homa wanapaswa kurudi kumwona daktari tena katika saa 24 hadi 48.