Uhifadhi wa Mkojo

Uhifadhi wa mkojo ni pale ambapo:

• Huwezi kukojoa kabisa au unakojoa kidogo

• Huwezi kukojoa lakini bado kuna mkojo kwenye kibofu chako cha mkojo baada ya kumaliza kukojoa

Ureta, Kibofu cha mkojo, na Mr...

video

Ukiwa na hali ya kuhifadhi mkojo:

• Pia unaweza kuvujisha mkojo na kukojoa pasipo kukusudia (kutoweza kujizuia kukojoa)

• Madaktari watafanya kipimo cha picha kwa kutumia mawimbi ya sauti baada ya wewe kukojoa ili kuona kiasi cha mkojo kilichobaki kwenye kibofu

• Madaktari wanaweza kutumia katheta (bomba jembamba linaloweza kujipinda) ili kuondoa mkojo wote kwenye kibofu chako cha mkojo

Husababishwa na:

• Shida kwenye misuli ya kibofu chako cha mkojo

• Kitu kinachoziba uwazi wa kibofu chako cha mkojo, kama vile jiwe kwenye figo au tezi dume iliyotanuka

• Tatizo kubwa la kufunga choo (mkusanyiko wa kinyesi)

• Matatizo ya neva kwenye kibofu chako cha mkojo (haya yanaweza kuwapata watu wenye matatizo ya kiafya kama vile kisukari au ugonjwa wa Parkinson)

• Dawa fulani

Uhifadhi wa mkojo huwapata zaidi wanaume kwa sababu ukuaji wa tezi dume unaweza kuzuia mtiririko wa mkojo.

Ikiwa huwezi kuondoa mkojo wote kwenye kibofu chako cha mkojo:

• Kutatizika kuanza kukojoa

• Mkondo dhaifu wa mkojo

• Hisia za kwamba kuna mkojo uliobaki kwenye kibofu chako cha mkojo

• Wakati mwingine kuvuja kwa mkojo, kukojoa usiku, au kuhitaji kukojoa mara kwa mara

• Maambukizi ya njia ya mkojo

Ikiwa huwezi kukojoa kabisa:

• Huna uwezo wa kuanza kukojoa

• Maumivu kwenye kibofu chako cha mkojo pale kinapotanuka

• Kuvimba kwenye sehemu ya chini ya tumbo lako

Ikiwa huwezi kukojoa kabisa, madaktari watajua kuwa una tatizo la uhifadhi wa mkojo. Ikiwa una uwezo wa kukojoa kiasi kidogo cha mkojo, madaktari watafanya kipimo ili kuona ni kiasi gani cha mkojo kinabaki kwenye kibofu chako cha mkojo.

• Madaktari watakufanya ukojoe kwa kadiri unavyoweza

• Watafanya kipimo cha upigaji picha kwa mawimbi ya sauti kwa kibofu chako cha mkojo au wataweka katheta kwenye kibofu chako cha mkojo ili kuona kama kuna mkojo uliobaki kwenye kibofu chako cha mkojo

• Ikiwa kiasi cha mkojo kilichosalia ni zaidi ya nusu kikombe, madaktari watajua kuwa una tatizo la uhifadhi wa mkojo

Pia madaktari watafanya vipimo vifuatavyo:

• Kwa kawaida, uchunguzi wa rektamu—daktari kuhisi hali ya ndani ya tundu lako la haja kubwa kwa kuingiza kidole ili kuona kama kumezibwa na kinyesi au, kama wewe ni mwanaume, ili kuona kama una tezi dume zilizotanuka

• Kipimo cha mkojo

• Vipimo vya damu

• Kipimo cha picha kwa kutumia mawimbi ya sauti

Ikiwa huwezi kukojoa kabisa, madaktari wataingiza katheta kwenye kibofu chako cha mkojo mara moja ili kutoa mkojo. Ili kutibu chanzo cha uhifadhi wa mkojo, madaktari wanaweza:

• Kukuzuia kutumia dawa zozote ambazo zinaweza kuwa zimesababisha tatizo hilo

• Ikiwa wewe ni mwanaume mwenye tezi dume zilizotanuka, watazitibu kwa upasuaji au kwa dawa

• Kukuagiza dawa za kutuliza misuli iliyo kwenye mlango wa kibofu chako cha mkojo

• Ikiwa una tatizo la neva, watakufanya uweke katheta kwenye kibofu chako cha mkojo mara kadhaa kwa siku ili kutoa mkojo

• Wakati mwingine, kufanya upasuaji wa kuondoa mkojo mwilini mwako kwa njia nyingine