Erythema Nodosum

Erythema nodosum ni athari ya kuvimba kwa tabaka la mafuta chini ya ngozi. Husababisha uvimbe mwekundu au wa zambarau chini ya ngozi, hasa kwenye miundi yako.

• Erythema nodosum huwapata sana watu wenye umri wa miaka 20 na 30 hasa wanawake

• Mara nyingi husababishwa na athari za dawa au maambukizi

• Mbali na uvimbe kwenye ngozi yako, unaweza kupata homa na maumivu ya viungo

• Kwa kawaida huwa yanapona yenyewe ndani ya wiki 3 hadi 6

Sababu za kawaida ni pamoja na:

• Maambukizi, ikijumuisha maambukizi ya streptococcal

• Sakoidosisi (ugonjwa ambao husababisha mabonge madogo madogo ya seli za kingamaradhi kuota katika ogani zako nyingi)

• Ugonjwa wa uchochezi wa matumbo

Sababu zisizo za kawaida:

• Baadhi ya dawa, ikijumuisha dawa za kuua bakteria na dawa ya kuzuia mimba

• Ujauzito

• Kifua kikuu

• Ugonjwa wa Behçet—ni kuvimba kwa muda mrefu (uvimbe) kwa mishipa ya damu kunakoweza kusababisha vidonda vya uchungu kwenye mdomo na viungo vya uzazi, malengelenge kwenye ngozi, na mara nyingine matatizo kwenye macho, viungo, au ogani zako

• Saratani fulani

Dalili zinajumuisha:

• Uvimbe mwekundu au wa zambarau wenye uchungu, mara nyingi kwenye miundi yako

• Homa

• Maumivu ya viungo

Erythema Nodosum

Picha

Picha kwa hisani ya Thomas Habif, MD.

Mara nyingi madaktari wanaweza kufahamu kuwa una erythema nodosum kwa kutazama uvimbe ulio kwenye ngozi yako. Mara nyingine ili kuwa na uhakika wataondoa kipande cha tishu kwa uchunguzi (kuondoa kipande kidogo cha tishu ili kukichunguza kwenye hadubini).

Ili kufahamu chanzo cha erythema nodosum yako, wanaweza kufanya vipimo vingine, kama vile:

• Eksirei ya kifua

• Vipimo vya damu

• Kipimo cha ngozi kwa ajili ya kifua kikuu

Erythema nodosum hupungua makali yenyewe baada ya wiki 3 hadi 6 Ikiwa hali yako ya erythema nodosum inasababishwa na maambukizi, madaktari watatibu maambukizi. Yafuatayo yanaweza kukusaidia kupunguza maumivu:

• Kupumzika kitandani

• Kujiwekea kitu cha baridi

• Kuacha mguu wako ukiwa umenyanyuliwa

• Kutumia dawa ya kupunguza uvimbe isiyo na asteroidi (NSAID—kama vile aspirini au ibuprofeni)

• Wakati mwingine, daktari wako anaweza kukupatia potasiamu iodidi ili kupunguza dalili

• Waka mwingine, kotikosteroidi (dawa ya kupunguza kuvimba)