Kukoroma ni nini?
Kukoroma ni kupumua kwa mkoromo, sauti ya kuvuruga wakati umelala.
Kukoroma ni jambo la kawaida, hasa kwa watu wenye umri mkubwa
Kukoroma kunaweza kuwa kwa sauti kubwa na kunaweza kuwaamsha walio karibu nawa
Huenda hujui kuwa unakoroma
Kukoroma kunaweza kusababisha usingizi mbaya usiku na usingizi mwingi wakati wa mchana (usingizi wa mchana kupita kiasi)
Kupunguza uzani na kutokunywa pombe wakati wa kulala kunaweza kusaidia kuzuia kukoroma
Kukoroma kunaweza kutibiwa kwa vifaa mbalimbali vinavyoweza kuvaliwa au, mara chache sana, kwa upasuaji ili kuweka njia zako za kupumua wazi
Je, ni lini nimwone daktari kuhusu kukoroma kwangu?
Muone daktari ikiwa unakoroma na una moja ya ishara hizi za tahadhari:
Vipindi vya kutopumua au kubanwa wakati wa kulala—kawaida mwenzi wa kitandani au mwanafamilia hutambua hili
Maumivu ya kichwa unapoamka asubuhi
Kusinzia kupita kiasi wakati wa mchana
Unene kupita kiasi
Kukoroma kwa sauti kubwa sana, mara kwa mara
Wakati mwingine, shinikizo la damu lililo juu
Ikiwa huna ishara za onyo, huenda huhitaji kuona daktari isipokuwa kukoroma kwako kunasumbua wengine.
Ni nini husababisha kukoroma?
Kukoroma hutokea wakati tishu laini kwenye pua yako na koo zinapepesuka unapopumua. Kupumzika kwa misuli yako wakati wa kulala labda huruhusu tishu kupepea.
Wakati mwingine, kukoroma husababishwa na matatizo ya kupumua kama vile kizuizi kinachosababisha kupumua kwa shida wakati wa kulala. Apnea ni kukoma kupumua kwako wakati wa usingizi kunakosababishwa na koo lako au njia ya hewa kufungwa.
Una uwezekano mkubwa wa kukoroma ikiwa:
Una zaidi ya miaka 50
We ni mwanaume
Kuwa na unene kupita kiasi (haswa ikiwa kuna mafuta kwenye shingo yako au tumbo)
Hunywa pombe au kunyuwa dawa za kupunguza wasiwasi
Umekuwa na pua iliyoziba kwa muda mrefu
Kukoroma hujitokeza katika familia.
Je, nitarajie nini ninapokwenda kumwona daktari wangu?
Daktari atakuuliza kuhusu dalili zako na kukupima. Iwapo wanafikiria kuwa unaweza kuwa na tatizo la kupumua kwa shida wakati wa kulala, wanaweza kufanya:
Kipimo cha usingizi
Katika kipimo cha usingizi, madaktari hufuatilia kupumua kwako na mambo mengine yanayohusiana na usingizi. Kipimo hiki hufanyika unapolala. Kinaweza kufanywa usiku kucha katika maabara ya usingizi au nyumbani.
Je, madaktari hutibu vipi kukoroma?
Ikiwa tatizo kama vile kupumua kwa shida wakati wa kulala linasababisha kukoroma kwako, madaktari watatibu hilo.
Ikiwa una kupumua kwa shida wakati wa kulala, madaktari wanaweza:
Kuweka kinga maalum ya mdomo ili kuweka njia yako ya hewa wazi
Wafanye utumie CPAP (shinikizo la hewa linaloendelea) kuweka njia yako ya hewa wazi wakati umelala—unapumua kupitia barakoa
Fanya upasuaji ili kurekebisha njia yako ya hewa au kutoa tishu (kama vile findo kubwa) zinazozuia kupumua
Ikiwa hakuna tatizo la msingi linalosababisha kukoroma kwako, inaweza kusaidia:
Epuka pombe au dawa zinazokufanya upate usingizi kwa saa kadhaa kabla ya kulala
Lala kwa ubavu au ukiwa umeinua sehemu ya juu ya mwili wako (ama kwa kuinua kichwa cha kitanda chako au kwa kutumia mto wenye umbo la kabari)
Punguza uzani
Kunyuwa dawa za kupunguza msongamano au weka vipande vya elastic kwenye pua yako ili kuweka pua yako wazi
Wanafamilia, wenzi kitandani, au watu wanaoishi naye chumbani wanaosumbuliwa na kukoroma wanaweza kutaka:
Tumia vifunga masikio
Cheza mashine yenye kelele nyeupe
Kulala katika chumba kingine
