Mgongo kupinda kando

• Skoliosisi ni upinde usio wa kawaida kwenye uti wa mgongo

• Watoto wanaweza kuzaliwa wakiwa na skoliosisi, au inaweza kuwapata watoto wa umri wa miaka 10 hadi 16.

• Skoliosisi inaweza kufanya mabega na nyonga za mtoto wako zisilingane

Mgongo kupinda kando

Ficha Maelezo

Skoliosisi ni hali ya kupinda kusiko kwa kawaida kwa uti wa mgongo.

Kwa kawaida, sababu haiwezi kugunduliwa. Wakati mwingine, skoliosisi husababishwa na kasoro ya kuzaliwa.

Skoliosisi isio kali huwa haionyeshi dalili. Lakini wakati mwingine watoto wanapata:

• Bega moja kuwa juu kuliko lingine

• Nyonga moja kuwa juu kuliko nyingine na kusababisha kiuno kisichosambamba

• Maumivu madogo hadi makali ya mgongo

Skoliosisi kali inaweza kusababisha:

• Maumivu ya mara kwa mara

• Ugumu wa kupumua, iwapo mbavu zinaweka shinikizo kwenye mapafu

• Kuharibika kwa viungo vya ndani

• Daktari atamwomba mtoto wako ainame upande wa mbele ili kuona ikiwa uti wa mgongo umepinda

• Ikiwa uti wa mgongo wa mtoto wako unaonekana kama unapinda, daktari wako atachukua eksirei za kuthibitisha skoliosisi.

• Eksirei humsaidia daktari wako kutathmini kiwango cha upinde huo

Matibabu hutegemea kiwango cha upinde

Upinde mdogo unaweza usihitaji matibabu. Lakini madaktari watauchunguza mara kwa mara ili kuona ikiwa unazidi kuwa mbaya.

Katika hali mbaya zaidi, matibabu yanapaswa kuanza mapema iwezekanavyo na yanaweza kujumuisha:

• Kiegemezi cha kusaidia kuweka sawa uti wa mgongo

• Tiba ya kimwili ili kuzuia skoliosisi isizidi

• Upasuaji wa kuunganisha mifupa ya uti wa mgongo

Viegemezi vya Skoliosisi

Ficha Maelezo

Ili kutibu skoliosisi, kiegemezi kinaweza kuvikwa ili kuweka mgongo sawa.

Mtoto wako anaweza kujisikia vibaya kuhusu kuwa na skoliosisi au kutopendezwa na matibabu. Kuzungumza na mshauri wa kitaalamu kunaweza kumsaidia mtoto wako kujisikia vizuri.