maumivu ya kifuu cha goti

Ugonjwa wa maumivu ya kifuu cha goti ni kulainika kwa gegedu lililopo chini ya kifuu cha goti (pia huitwa kibandiko cha goti). Gegedu ni tishu laini, thabiti ambayo hulinda mifupa pale inapokutana, kama vile kifuu cha goti au mifupa mingine katika kiungo cha goti.

• Ugonjwa wa maumivu ya kifuu cha goti huwapata zaidi vijana, hasa vijana wakimbiaji na wakimbiaji wanaofanya mazoezi ya viungo

• Dalili kuu ni hafifu, maumivu ya kuuma kwenye goti

• Husababishwa na kifuu cha goti ambacho kimetenguka kidogo

• Madaktari huitibu kwa mazoezi, barafu, dawa ya maumivu, na wakati mwignine upasuaji

Ndani ya Goti (Mwonekano wa Upande)

Ugonjwa wa maumivu ya kifuu cha goti husababishwa na kifuu cha goti ambacho kimetenguka hivyo hakiterezi kwa urahisi juu ya kiungo cha goti. Kukimbia au shuguli ambazo zinahusisha kupinda sana goti hufanya eneo la chini ya kifuu cha goti kujisugua kwenye mifupa ya goti. Hali hii inaweza kuharibu gegedu lililopo chini ya kufuu cha goti.

Ugonjwa wa maumivu ya kifuu cha goti husababisha:

• Maumivu hafifu, yenye kuuma sehemu ya nyuma na ile inayozunguka goti

Hausababishi goti kuvimba

Maumivu ya ugonjwa wa maumivu ya kifuu cha goti mara nyingi hutokea pale mtoto wako anapokuwa:

• Anapanda ngazi

• Anacheza mchezo fulani

• Anapokaa kwa muda mrefu

• Anapokimbia

Mara nyingi madaktari hujua kutokana na dalili za mtoto wako. Eksirei haziwezi kusaidia katika utambuzi wa ugonjwa, lakini madaktari wanaweza kupiga eksirei kutafuta matatizo mengine kwenye goti.

Madaktari hutibu ugonjwa wa maumivu ya kifuu cha goti kwa kumfanya mtoto wako:

• Afanye mazoezi ya kuimarisha misuli minne (ile iliyo sehemu ya mbele ya paja) na kuongeza wepesi

• Kuweka barafu kwenye goti

• Kumeza dawa za kutibu uvimbe (NSAIDS) zisizo za steroidi, kama vile ibuprofen

Wakati mwingine, madaktari watafanya upasuaji ili kulainisha sehemu ya chini ya kifuu cha goti.